Mae llawer o ffyrdd y gallwch chi ein helpu ni i adfer byd natur yng Ngogledd Cymru. Pan fyddwch chi'n ymuno fel aelod, yn gwneud cyfraniad, yn ein cynnwys ni yn eich Ewyllys neu'n prynu yn un o'n siopau ni, mae eich cyfraniad yn mynd yn uniongyrchol tuag at warchod y bywyd gwyllt a'r llefydd gwyllt rydych chi mor hoff ohonyn nhw.

Rydyn ni’n gweithio gyda chymunedau ar draws y rhanbarth i wella gofod sy’n cael ei rannu ar gyfer bywyd gwyllt a dod â phobl yn nes at natur. Rydyn ni’n ymdrechu i gysylltu pobl â gofod naturiol a chefnogi cymunedau i greu llefydd gwyllt diogel, cynhwysol yn agos at ble mae pobl yn byw, yn gweithio ac yn chwarae..

Os hoffech chi wneud rhywbeth i helpu i warchod eich bywyd gwyllt lleol, yna byddem wrth ein bodd yn clywed gennych!

Mae’r DU wedi colli hyd at 90% o’i dolydd morwellt yn y ganrif ddiwethaf, sydd wedi cael canlyniadau negyddol i iechyd a gwydnwch ein systemau arfordirol. Yn 2019, ffurfiodd Prifysgol Abertawe, yr elusen Project Seagrass a WWF-UK gydweithrediad i ddechrau adfer rhywfaint o'r hyn yr ydym wedi'i golli. Ar yr un pryd, dros y chwe blynedd diwethaf mae Prifysgol Abertawe wedi bod yn arwain treialon ledled Cymru i ddatblygu dulliau priodol ar gyfer adfer morwellt. Yma yn Ngogledd Cymru, rydym wedi ymuno gyda’r partneriaid i gychwyn archwilio sut allwn ddod a’r prosiect cyffrous yma i Ogledd Cymru. Rydym wedi sicrhau cyllid gan Gronfa Dreftadaeth y Loteri Genedlaethol i gyflawni rhaglen waith adfer arfaethedig sy’n dderbyniol yn gymdeithasol ac yn ecolegol gadarn ac rydym ni eisiau i chi gymryd rhan. Wrth gymryd rhan fyddwch chi yn helpu ni i adfer morwellt yng Ngogledd Cymru.