Eleni, rydyn ni wedi crynhoi ein gwaith mewn ‘adroddiad effaith’: cipolwg ar 55 mlynedd y mudiad lleol yn dathlu ei gyflawniadau. Mae rhai o’r prif ffigurau i’w gweld ar y dudalen yma o’r cylchgrawn, ond cofiwch ystyried darllen y ddogfen yn llawn.

Ein partneriaid ni

Ein haddewidion ni

Nid yw gwarchodfeydd natur ar eu pen eu hunain yn ddigon i achub ein bywyd gwyllt gwerthfawr rhag diflannu. I alluogi i fywyd gwyllt ffynnu ac ymledu, rhaid i ni greu mwy o ofod i fywyd gwyllt sy’n cael ei reoli’n well ac sy’n fwy cysylltiedig, gyda chyfleoedd i bobl fwynhau byd natur. Mae’r dull hwn o weithredu’n creu’r hyn rydyn ni’n ei alw’n Dirweddau Byw, sydd o fudd i bawb ac yn diogelu bywyd gwyllt.

Mae 1 o bob 6 rhywogaeth yng Nghymru nawr dan fygythiad. Rydym yn gofyn i Lywodraeth y DU ymrwymo at adferiad natur ac i wrthdroi y duedd o ddisbyddiad natur.

Mae llawer o ffyrdd y gallwch chi ein helpu ni i adfer byd natur yng Ngogledd Cymru. Pan fyddwch chi'n ymuno fel aelod, yn gwneud cyfraniad, yn ein cynnwys ni yn eich Ewyllys neu'n prynu yn un o'n siopau ni, mae eich cyfraniad yn mynd yn uniongyrchol tuag at warchod y bywyd gwyllt a'r llefydd gwyllt rydych chi mor hoff ohonyn nhw.

Ein Partneriaid Naturiol

Ers 2020, mae ein meithrinfeydd coed ni yn Aberduna, ger yr Wyddgrug, a Gwaith Powdwr, ger Penrhyndeudraeth, wedi tyfu, gyda help tîm bach o staff a gwirfoddolwyr, o gyflenwi ein prosiectau ni ein hunain i gyflenwi cwsmeriaid.