Mae Enfys Ecology, ein hymgynghoriaeth amgylcheddol, yn darparu atebion ymarferol o ansawdd uchel sy'n seiliedig ar natur ar gyfer sefydliadau cyhoeddus a phreifat: o arolygu ac asesu ecolegol i ddylunio, creu a rheoli cynefinoedd yn y tymor hir.

Wedi'i sefydlu yn 2010, fel is-gwmni sy'n eiddo llwyr i Ymddiriedolaeth Natur Gogledd Cymru, mae’r elw o Enfys yn cyfrannu at genhadaeth yr Ymddiriedolaeth i ddod â bywyd gwyllt yn ôl, grymuso pobl i weithredu dros fyd natur a chreu cymdeithas lle mae natur yn bwysig. 

Meddai Jonathan:
“Mae'r cyfle i adeiladu ar sylfeini cadarn Enfys Ecology yn dod ar amser hollbwysig. Mae'r galw am arbenigedd ecolegol o ansawdd uchel yn cynyddu, wedi'i sbarduno gan fuddsoddiad Cyfalaf Naturiol, polisi defnydd tir a chynllunio sy'n esblygu, a'r angen brys am adferiad natur.

 “Mae Enfys Ecology mewn sefyllfa dda ar gyfer twf cyfrifol, ac rydw i’n falch bod ei lwyddiant yn cefnogi gwaith cadwraeth ehangach Ymddiriedolaeth Natur Gogledd Cymru yn uniongyrchol.

"Edrychwn ymlaen at y cyfnod nesaf yma o dwf – gan gefnogi ecoleg, economi a chymunedau ledled Gogledd Cymru a thu hwnt.

Darganfod mwy o wybodaeth am Enfys Ecology here