Chwilio am daith gerdded bywyd gwyllt ger Wrecsam? Darganfyddwch dreftadaeth ddiwydiannol unigryw a byd natur llewyrchus Chwarel y Mwynglawdd. Rydyn ni wedi creu tri llwybr o wahanol hyd ac anhawster - gan gynnwys opsiwn cerdded hygyrch - sy'n eich annog chi i archwilio popeth sy'n gwneud y warchodfa natur yma gan Ymddiriedolaeth Natur Gogledd Cymru mor arbennig. Mae pob llwybr yn cynnig persbectif gwahanol: yn eich cludo chi’n ôl i orffennol diwydiannol y safle, yn eich arwain chi drwy’r cynefinoedd bywyd gwyllt pwysig heddiw, ac yn eich gwahodd chi i ddychmygu sut bydd byd natur yn parhau i ffynnu yma am ddegawdau i ddod.