Sut i lanhau bocsys nythu a theclynnau bwydo adar

Gall bocsys nythu fod yn gartref i barasitiaid felly mae'n arfer da eu tynnu nhw i lawr ar ddiwedd y tymor a'u glanhau. Yn yr un modd, mae'n bwysig cadw teclynnau bwydo adar yn lân i atal clefydau rhag lledaenu.

Glanhau teclynnau bwydo adar a baddonau adar

Cofiwch lanhau teclynnau bwydo adar a’u safleoedd bwydo yn rheolaidd gan ddefnyddio dŵr cynnes a sebon neu 5%. Gwnewch yn siŵr eich bod yn rinsio unrhyw ddiheintydd yn drylwyr ar ôl glanhau a gadael i’r teclynnau bwydo adar sychu'n llwyr yn yr aer bob amser cyn ychwanegu bwyd.

Ni ddylid defnyddio brwshys ac offer sy’n cael eu defnyddio i lanhau teclynnau bwydo adar, byrddau a baddonau adar at ddibenion eraill. Dylid gwisgo menig rwber a golchi eich dwylo wedyn.

Cleaning bird feeders activity sheet Welsh

Glanhau bocsys nythu

Ar ôl diwedd pob tymor magu, dylech dynnu pob bocs nythu i lawr, tynnu hen ddeunyddiau nythu allan ohonyn nhw, ac wedyn sgaldio’r bocsys gyda dŵr berwedig i ladd unrhyw barasitiaid. Peidiwch â defnyddio pryfladdwyr na phowdrau chwain - mae dŵr berwedig yn ddigon. Dim ond ar ddiwedd y tymor magu ddylid glanhau'n flynyddol, o ddiwedd mis Medi i fis Chwefror.

O dan delerau Deddf Bywyd Gwyllt a Chefn Gwlad 1981, os byddwch yn dod o hyd i wyau sydd wedi'u gadael neu wyau aflwyddiannus yn y bocs, dim ond o fis Medi i fis Ionawr y mae posib eu tynnu o’r bocs yn gyfreithlon, a rhaid eu dinistrio - mae'n anghyfreithlon eu cadw. Dim ond yn ystod y ffenest yma ddylech chi dynnu’r wyau o’r bocs ac os ydych chi'n gwbl siŵr eu bod wedi cael eu gadael.