Share

Welsh Poppy

©Richard Burkmarr

Pabi Cymreig

Mae'r pabi Cymreig yn blanhigyn sy’n hoff o lecynnau llaith a chysgodol, ymylon ffyrdd a llethrau bryniau. Mae hefyd yn blanhigyn sy'n dianc o erddi. Mae'n blodeuo dros yr haf, gan ddenu pryfed sy'n hoff o neithdar.

Enw gwyddonol

Meconopsis cambrica

Pryd i'w gweld

Mehefin i Awst

Species information

Categori

Ystadegau

Uchder: hyd at 50cm

Statws cadwraethol

Cyffredin.

Ynghylch

Mae'r pabi Cymreig melyn yn blanhigyn lluosflwydd sy’n byw mewn llecynnau llaith, cysgodol, bryniog neu greigiog, ac mae hefyd i'w weld ar waliau ac ymylon ffyrdd. Mae'n frodorol mewn coetiroedd llaith yn Ne Orllewin Lloegr a Chymru, ond yn gyffredin mewn llawer o lefydd eraill fel planhigyn sy'n dianc o erddi. Mae'n blodeuo o fis Mehefin i fis Awst ac yn denu gwenyn a phryfed sy'n peillio. Mae'n blanhigyn delfrydol i oleuo cornel gysgodol mewn gardd gan ei fod yn hunanhadu ac yn ymledu’n rhwydd.

Sut i'w hadnabod

Mae gan y pabi Cymreig bedwar petal melyn sy'n gorgyffwrdd ac sy'n sefyll ar flaen coesyn tenau, gwyrdd. Yr unig babïau melyn eraill yw pabi Califfornia, planhigyn sydd wedi dianc o erddi gyda dail llawer ceinach; y pabi corniog melyn, sy'n tyfu ar lan y môr; a llysiau'r wennol, sydd â nifer o flodau llai.

Dosbarthiad

Brodorol yn Ne Orllewin Lloegr a Chymru, ond yn gyffredin fel planhigyn wedi dianc o erddi.

Roeddech chi yn gwybod?

Y pabi Cymreig yw logo'r blaid wleidyddol o Gymru, Plaid Cymru.