WPa well ffordd o gadw’n heini, darganfod llefydd newydd a chofleidio byd natur na thrwy gerdded neu heicio? Os ydych chi'n chwilio am daith gerdded sy'n para tan fachlud haul, eisiau stryffaglu drwy lystyfiant trwchus neu fynd ar daith gerdded ar hyd rhai o'r llwybrau mwyaf anghysbell a gwyllt - mae gan ein gwarchodfeydd natur ni bopeth i chi.

Nid yw gwarchodfeydd natur ar eu pen eu hunain yn ddigon i achub ein bywyd gwyllt gwerthfawr rhag diflannu. I alluogi i fywyd gwyllt ffynnu ac ymledu, rhaid i ni greu mwy o ofod i fywyd gwyllt sy’n cael ei reoli’n well ac sy’n fwy cysylltiedig, gyda chyfleoedd i bobl fwynhau byd natur. Mae’r dull hwn o weithredu’n creu’r hyn rydyn ni’n ei alw’n Dirweddau Byw, sydd o fudd i bawb ac yn diogelu bywyd gwyllt.

Mae Ymddiriedolaeth Natur Gogledd Cymru’n un o’r 46 o Ymddiriedolaethau Natur sy’n gweithio ledled y DU. Gyda chefnogaeth amhrisiadwy ein gwirfoddolwyr a’n haelodau, rydyn ni’n rheoli 35 o warchodfeydd natur yng ngogledd Cymru.

Mae gan Ymddiriedolaeth Natur Gogledd Cymru ddigonedd o syniadau ar gyfer dyddiau allan gwych – mwy na 140 o deithiau cerdded, sgyrsiau a digwyddiadau bob blwyddyn; 35+ o warchodfeydd natur lleol i’w harchwilio; neu gyfle i weld bywyd gwyllt drwy gydol y tymhorau.

Cost ymaelodi yw llai na 10c y diwrnod er mwyn ymuno â ni a’r 9,900 aelod sydd yma yng Ngogledd Cymru. Cymrwch ran yn y gwahanol weithgareddau, ymwelwch â 35 o warchodfeydd gwych a chael mynediad i dros 150+ o ddigwyddiadau tra’n teimlo’n braf gan wybod y bo chi yn cyfrannu’n unol i warchod bywyd gwyllt bregus ar draws Ogledd Cymru.

Introducing Living Seas Volunteering news updates, upcoming activities and links to relevant pages.