Gan weithio mewn partneriaeth â ffermwyr a chymunedau lleol, mae Ymddiriedolaeth Natur Gogledd Cymru yn bwriadu adfer byd natur ym Mryn Ifan – 450 o erwau ger Clynnog Fawr – er budd pobl a bywyd gwyllt.

Mae caffael a'r rheolaeth barhaus ar Fryn Ifan wedi'i gyllido, a bydd yn cael ei gyllido, drwy ystod eang o ffynonellau, gan gynnwys rhodd hael gan Aviva, a fydd yn galluogi i ni adfer coedwig law Geltaidd i lethrau Bwlch Mawr. Mae ein hapêl lwyddiannus wedi codi mwy na £75,000 ond bydd arnom angen eich cefnogaeth barhaus chi i godi arian i helpu byd natur i adfer yn y llecyn arbennig yma.

Yng Nghymru, mae bywyd gwyllt wedi bod yn prinhau ac erbyn hyn mae 17% o rywogaethau mewn perygl o ddifodiant. Gyda’n gilydd, gallwn adfer cynefinoedd ar gyfer glöynnod byw prin, adar, rhedyn a blodau a hefyd cefnogi ffermio cynaliadwy ac adfywiol.

Does dim posib i ni wneud hyn heb eich
help chi – plîs cyfrannwch heddiw