Ynglŷn â'r digwyddiad

Ymunwch ag Andy Harrop-Smith am daith gerdded 5km ar hyd Llwybr Archaeoleg Llyn Brenig. Mae Andy yn storïwr, yn llên-werinydd ac yn hanesydd amatur, yn ogystal â bod yn Wirfoddolwr Arweiniol yn Llyn Brenig.

Yn addas ar gyfer oedrannau 10+

Mae'r ardal gyfan hon yn llawn hanes, dirgelwch, chwedlau gwerin a bywyd gwyllt toreithiog. Yn ystod y daith byddwch yn dysgu am gynhanes y dyffryn hardd hwn, sy'n cynnwys tystiolaeth o helwyr-gasglwyr y cyfnod paleolithig a'r defodau claddu o'r Oes Efydd a fu unwaith yn cael eu cynnal yma. Mae llawer o henebion carreg yn dal i sefyll ar y rhostiroedd ac ar lannau'r llyn, sydd wedi cael ei alw'n haeddiannol yn 'Gôr y Cewri Gogledd Cymru'. Yn yr Oesoedd Canol, defnyddiwyd yr ardal fel porfa haf ac mae adfeilion yr hafodau'n dal i'w gweld hyd heddiw. Mae tystiolaeth bosibl o fanditiaid wedi'i ddarganfod yn un o'r anheddau.

Fel gyda llawer o ardaloedd yng nghefn gwlad Cymru, roedd llên gwerin a chwedlau gwerin yn gyffredin, ac mae gan Ddyffryn Brenig fwy na'i gyfran deg o straeon rhyfeddol o’r fath. Bydd Andy yn adrodd straeon am gewri, cythreuliaid, ysbrydion a thylwyth teg Cymru, y Tylwyth Teg, a'u buwch hudol a oedd yn darparu cyflenwad diderfyn o laeth hufennog! Peidiwch ag anghofio dod â'ch ysbienddrych, efallai y gwelwch un o'r bodaod tinwyn preswyl, bwncathod, barcutiaid coch neu gigfrain. Neu efallai un o'r tylwyth teg!