Ynglŷn â'r digwyddiad

Ymunwch â'n grŵp cerdded misol gan archwilio byd natur a bywyd gwyllt gyda theithiau cerdded ar thema wahanol bob tro. Thema'r mis yma yw’r wiwer goch.

Mae'r wiwer goch yn un o famaliaid prinnaf y DU, yn frodorol i Ynysoedd Prydain ers yr Oes Iâ ddiwethaf. Ar un adeg roedd yn eang ei dosbarthiad, ond mae ei phoblogaeth yn y DU wedi dirywio’n sylweddol yn dilyn cyflwyno gwiwerod llwyd yma ar ddiwedd y bedwaredd ganrif ar bymtheg. Dysgwch fwy am yr anifail carismatig yma ar y daith gerdded dywys hon.