Rydyn ni wedi mwynhau perthynas hirhoedlog gyda Chanolfan Arddio Woodworks y Grŵp, yn yr Wyddgrug - gan gynnal digwyddiadau yno i rannu ein gwaith cadwraeth a ffurfio partneriaeth gyda nhw drwy werthu planhigion gwrych brodorol sy’n cael eu tyfu yng Ngwarchodfa Natur Aberduna - felly mae'n arbennig o ystyrlon ein bod ni wedi cael ein dewis.
Mae'r Grŵp wedi gosod targed codi arian uchelgeisiol o £10,000, gyda chalendr o ddigwyddiadau a gweithgareddau staff wedi'u cynllunio drwy gydol y flwyddyn!
P&A Group
Rydyn ni wrth ein bodd yn cefnogi Gofal Canser Tenovus ac Ymddiriedolaeth Natur Gogledd Cymru eleni.P&A Group
Mae Andrew yn mynd ymlaen i ddweud:
"Mae'r ddwy elusen yn gwneud gwaith anhygoel mewn meysydd mae ein timau ni’n gallu uniaethu â nhw. Rydyn ni’n edrych ymlaen at ddod at ein gilydd unwaith eto i godi arian hanfodol a gwneud gwahaniaeth gwirioneddol. Heddiw, mae’r staff wedi bod yn gyffrous am gofrestru ar gyfer llu o weithgareddau codi arian, gan gynnwys herio Zip World Velocity - y wifren wib gyflymaf yn y byd a'r hiraf yn Ewrop - 10K Gorllewin Sir Caer, Her Camau chwarterol, Mis Heb, a ras gyfnewid Llwybr Arfordir Gogledd Cymru, i enwi dim ond rhai."
Rydyn ni’n gyffrous am fod yn rhan o'r gweithgareddau codi arian y bydd Grŵp P&A yn eu cynnal drwy gydol y flwyddyn ac yn edrych ymlaen at weithio gyda'n gilydd i wneud gwahaniaeth parhaol i fywyd gwyllt ledled Gogledd Cymru.Ymddiriedolaeth Natur Gogledd Cymru
Os oes gan eich busnes chi ddiddordeb mewn dewis Ymddiriedolaeth Natur Gogledd Cymru fel eich Elusen y Flwyddyn, neu mewn cefnogi ein gwaith ni dros fywyd gwyllt mewn unrhyw ffordd, byddem wrth ein bodd yn clywed gennych chi.
