Owl cam

Ar ddechrau'r mis, doedd y ddwy dylluan fechan barod i hedfan y nyth. Fe wnaethant fentro allan ar y platfform yn amlach i ymestyn eu hadenydd ac ysgwyd rhywfaint o'u plu. Erbyn canol mis Gorffennaf, roedd un dylluan fach wedi hedfan y nyth ac wedi mentro i’r byd mawr. Parhaodd y dylluan fach oedd ar ôl i dreulio'i amser o amgylch y bocs nythu neu'n clwydo ar y trawstiau. Fodd bynnag, nid oedd yn hir cyn i’r dylluan fach hon hefyd hedfan y nyth. Dymunwn bob lwc i'r ddwy!

Wrth i ni adael Gorffennaf ar ôl, efallai y byddwn ni’n dal i gael ymweliad achlysurol gan y teulu, lle gellir eu gweld gyda'i gilydd yn twtio’u plu ac yn gorffwys ar y trawstiau. Tymor llwyddiannus arall i'n cwpl o dylluanod gwynion!

Mae’r wy cyntaf wedi deor! Gellid gweld y cyw newydd yn swatio mewn pentwr ymhlith yr wyau eraill. Dilynwyd yn fuan gan ail dylluan. Mae Seren (y fenyw) yn symud o gwmpas o bryd i'w gilydd i roi cipolwg ar y cywion bach, ac yn eu bwydo'n rheolaidd. Mae'n ymddangos na wnaeth yr wyau eraill ddeor.

Erbyn diwedd y mis. Roedd y tylluanod bach yn edrych yn llawer mwy! Roedd ein tylluanod bach yn dueddol o guddio yng nghorneli'r bocs, allan o olwg y camera, ond roedd modd eu gweld yn taro eu pennau allan bob hyn a hyn. Weithiau byddent yn symud o gwmpas y nyth yn enwedig pan oedd Seren yn mynd allan ar y trawstiau i dwtio’i phlu.

Roedd y tylluanod bach yn cael eu gadael ar eu pennau eu hunain mwy y dyddiau hyn. Roedd y ddau riant yn mynd allan i hela gyda'r nos. Roedden nhw'n bwyta amrywiaeth o ysglyfaeth, gan gynnwys llygod, chwistlod ac adar llai. Wrth i'r tylluanod bach fynd yn fwy, dechreuodd y blwch nythu fynd yn orlawn. Gellid gweld y ddau riant yn clwydo yn y trawstiau. Roedd y cywion yn taro eu pennau allan o'r blwch nythu yn amlach, yn chwilfrydig i weld beth oedd y tu hwnt i'r bocs.

Erbyn diwedd y mis, roedd y tylluanod bach yn dechrau edrych yn fwy aeddfed. O bryd i'w gilydd roedd un o'r cywion yn mentro allan i'r trawstiau ychydig y tu allan i'r bocs, ochr yn ochr â Nos a Seren. Byddai'n ymestyn yn fawr cyn dychwelyd i mewn eto.

Er bod y pryfed cop wedi rhwystro ein golwg gyda'u gweoedd eleni, fe wnaethom lwyddo i weld o leiaf bedwar wy yn eisteddiad eleni. Mae tylluanod gwynion yn deor eu wyau am tua 32 diwrnod, felly roeddem ni'n disgwyl iddyn nhw ddeor yn fuan!

Gan weithio o dan drwydded rhywogaethau a warchodir gan Cyfoeth Naturiol Cymru, fe wnaethom osod ein camerâu yn barod ar gyfer tymor tylluanod gwynion arall. Roedd yn ymddangos bod Nos a Seren yn ymgartrefu'n dda.