Hwb Cymunedol

Mae’r Hwb Cymunedol yn lle i unrhyw un sydd eisiau gwneud rhywbeth dros fyd natur yn eu cymdogaeth. Mae’r adnoddau y byddwch chi’n dod o hyd iddyn nhw yma’n cynnig ysbrydoliaeth, syniadau a chyngor ar gyfer trefnu prosiect cymunedol, o arian a chyllid i weithio gyda phobl a dechrau eich grŵp eich hun.

Wrth archwilio’r Hwb Cymunedol efallai y dewch chi ar draws y geiriau Natur Drws Nesaf. Y rheswm am hynny yw bod yr adnodd yma’n gynnyrch uniongyrchol prosiect Natur Drws Nesaf, menter 2 flynedd a roddodd y gymuned wrth galon yr hyn rydyn ni’n ei wneud yn yr Ymddiriedolaethau Natur.

Fe ddaeth Natur Drws Nesaf yn bosibl diolch i gyllid o £5 miliwn o Gronfa Dreftadaeth y Loteri Genedlaethol, a roddodd y cyngor a’r gefnogaeth yr oedd eu hangen ar bobl i helpu byd natur ar garreg eu drws. Cefnogwyd miloedd o grwpiau ledled y DU gan fenter Natur Drws Nesaf ac mae ei gwaddol yn parhau. Mae’r Hwb Cymunedol yn cofnodi straeon llawer o’r grwpiau yma ac yn cynnig cyngor fel bod pobl eraill yn gallu dilyn yn ôl eu troed.

I gael trosolwg o Natur Drws Nesaf ledled y DU, edrychwch ar y fideos a’r straeon ar ein tudalen we ryngweithiol.