Ynglŷn â'r digwyddiad

Ymunwch â ni am ddathliad arbennig o'n cynefinoedd glaswelltir calchfaen gwerthfawr a chyflawniadau’r prosiect 11 mis Gwreiddiau Cymunedol Glaswelltir Calchfaen.

Byddwn yn dechrau yng Nghanolfan Gymunedol Rhyd y Foel gyda phaned a chacen, gan roi cyfle i chi gwrdd â'r tîm, cysylltu ag aelodau eraill o'r gymuned, a dysgu mwy am y tirweddau rhyfeddol yma. Byddwn yn rhannu stori'r prosiect - o fynd i'r afael â'r cotoneaster ymledol i adfer y glaswelltir a'r bryn, gan wella’r amodau i'r gronfa hadau sydd â chyfoeth o rywogaethau ffynnu unwaith eto.

Am 10:30am, byddwn yn cychwyn ar daith gerdded dywys i Ben y Corddyn Bach, un o'n safleoedd glaswelltir calchfaen harddaf a chyfoethocaf o ran rhywogaethau. Mae'r daith gerdded yn daith ddychwelyd 2.4km o hyd (er efallai y bydd posib parcio'n agosach). Dylech ddisgwyl gorfod dringo tir eithaf serth am gyfnod byr wrth i ni gyrraedd y glaswelltir, a chewch eich gwobrwyo gyda golygfeydd 360 gradd godidog a chyfle i archwilio trysor cudd prin yn ein tirwedd leol. Er na fydd y glaswelltir ar ei orau, rydyn ni’n palmantu'r llwybr gyda lluniau o'r blodau gwyllt, y glaswelltau a'r glöynnod byw sydd i’w cael yn y cynefin yma ac y byddwch yn eu gweld tua diwedd y gwanwyn a'r haf - byddwn hefyd yn eich helpu chi i weld ac adnabod rhai o'r rhywogaethau prin sy'n ffynnu yn y cynefinoedd arbennig yma yn unig.

Os bydd y tywydd yn caniatáu, bydd cyfleoedd am helfeydd trychfilod, ffordd ymarferol o ddarganfod yr infertebrata anhygoel sy'n galw glaswelltir calchfaen yn gartref.

Ar ôl y daith gerdded, byddwn yn dychwelyd i'r ganolfan gymunedol i orffen y dathliad gyda'n gilydd, a mwynhau mwy o gacen!

Mae'r prosiect yma wedi cael ei gyllido gan Gyngor Gweithredu Gwirfoddol Cymru.