Sut i gael Calan Gaeaf di-blastig

Mae Calan Gaeaf yn amser gwych yn aml ar gyfer hwyl arswydus i’r teulu, ond yn anffodus mae'n llawn plastig yn aml.

Os yw gwisgoedd a masgiau Calan Gaeaf a llond gwlad o ddanteithion wedi'u lapio mewn plastig yn ddigon i'ch dychryn chi, edrychwch ar ein cynghorion doeth ni ar gyfer Calan Gaeaf di-blastig!

Ailddefnyddio hen wisgoedd

Mae posib cael llawer o hwyl yn gwisgo fel eich hoff gymeriad arswydus, ond mae arolwg diweddar wedi darganfod bod gwisgoedd Calan Gaeaf yn cynnwys 90% o blastig yn aml. Mae cyfanswm anhygoel o 7 miliwn o wisgoedd Calan Gaeaf yn cael eu taflu bob blwyddyn yn y DU. Ond fe allwch chi osgoi hyn drwy roi cynnig ar y canlynol:

Gwneud eich gwisg eich hun o hen ddillad neu gardfwrdd
Cyfnewid gwisg gyda ffrindiau a theulu
Llogi gwisg am y noson yn unig

Paentio wyneb arswydus

Os ydych chi'n chwilio am wisg heb wastraff, mae paent wyneb yn opsiwn perffaith! Dewiswch baent wyneb naturiol sy'n golchi i ffwrdd ar ddiwedd y noson. Gallwch drawsnewid i fod yn ysbryd erchyll neu'n sgerbwd heb y gwastraff plastig.

Gwisgoedd Calan Gaeaf yn cynnwys 90% o blastig yn aml.

Amy Lewis

Peidiwch â gwastraffu eich pwmpen

Mae cerfio pwmpen yn weithgaredd hyfryd i deuluoedd ac yn wir arwydd o dymor Calan Gaeaf. Ond beth ydych chi'n ei wneud gyda'r gweddillion? Yn anffodus, bydd cyfanswm dychrynllyd o 8 miliwn o bwmpenni’n cael eu taflu ar ôl Calan Gaeaf yn y DU yn unig. Beth am ddefnyddio'r gweddillion i wneud pastai neu gawl pwmpen? Fel arall, mae hadau pwmpen wedi'u rhostio yn gwneud byrbryd cyflym a hawdd!