Sut i ddenu gwyfynod ac ystlumod i'ch gardd

Plannwch flodau sy'n rhyddhau eu harogl gyda'r nos i ddenu gwyfynod ac, yn y pen draw, ystlumod sy'n chwilio am bryfed yn fwyd, i'ch gardd.

Mae blodau sy'n rhyddhau eu harogl gyda'r nos yn atyniad mawr i wyfynod felly mae eu plannu yn ffordd wych o ddenu gwyfynod i'ch gardd. Maen nhw hefyd yn rhoi’r pleser o bersawr melys, silwetau trawiadol a gwawr ddisglair i ni. Fel gyda phlanhigion eraill sy’n blodeuo, bydd angen i chi feddwl am y lle gorau i'w rhoi nhw. Er eu bod nhw’n rhyddhau eu harogl yn y nos, mae nhw angen yr amodau cywir yn ystod y dydd hefyd.

Mae blodau sy'n rhyddhau eu harogl gyda'r nos yn atyniad mawr i wyfynod

Yn ogystal â phlannu'r blodau cywir, os ydych chi'n garddio gyda gwyfynod a'u lindys mewn golwg, byddwch yn gweld amrywiaeth lawn o ffrindiau’n hedfan yn dod i ymweld. Rhowch gynnig ar y canlynol:

Cael ystod amrywiol o blanhigion, llwyni, glaswelltau a blodau i ddarparu planhigion bwyd ar gyfer lindys.
Plannwch goed brodorol fel helyg a derw.
Cofiwch leihau eich defnydd o gemegau a sicrhau cyn lleied â phosibl o dirlunio caled (graean, decin, ac ati) er mwyn cynyddu'r cynefinoedd sydd ar gael.
Peidiwch â bod mor daclus! Gadewch ardaloedd o laswellt tal a phlanhigion gwyllt, a pheidiwch â chlirio deunydd planhigion marw ar ddiwedd y flwyddyn - mae lindys a chwilerod yn gallu treulio’r gaeaf yma.

Night-time nectar providers	Ten foodplants for the caterpillars of moths
Argentinian vervain	Common hawthorn
Tobacco plant	Currants
Common jasmine	English oak
Evening primrose	Hazel
Globe artichoke	Holly
Hebe	Hop
Honeysuckle	Ivy
Miss Willmott's ghost	Stinging nettle
Sweet rocket	White willow
	Fushia

Moth trapping (c) Ross Hoddinott/2020VISION

Trapio Gwyfynod

Gosodwch drap gwyfynod i weld pwy sy'n ymweld â'ch gardd yn y nos.
Efallai bod trapio gwyfynod yn swnio'n greulon, ond dyw e ddim yn brifo'r gwyfynod; mae'n golygu eu denu at ffynhonnell golau neu fwyd yn unig fel y gallwch chi gael golwg agosach arnynt. Gosod trap gwyfynod gartref:

Prynu trap gwyfynod traddodiadol – ar gael ar-lein, ond yn ddrud. Dewis gwych ar gyfer recordwyr gwyfynod difrifol.
Gwneud trap golau - dim ond cynfas wen a thortsh sydd eu hangen arnoch chi. Pegiwch y gynfas ar eich lein ddillad, diffoddwch oleuadau cyfagos, trowch ymlaen eich tortsh, ac arhoswch yn amyneddgar i weld pwy sy'n hedfan i mewn.
Defnyddio rhaff gwin – mae rhai gwyfynod yn cael eu denu'n fwy at danteithion melys na golau, felly rhowch gynnig ar socian stribedi o hen frethyn mewn cymysgedd o win coch rhad a siwgr, crogwch y stribedi dros eich lein ddillad, a gwiriwch nhw am ymwelwyr ar ôl cwpl o oriau.
Troi'r ystafell ymolchi yn drap gwyfynod – agorwch ffenestr eich ystafell ymolchi a throwch ymlaen y golau, gan ei adael am awr neu ddwy. Ar noson gynnes, bydd gwyfynod yn hedfan i mewn a gallwch chi ddychwelyd i weld pwy sydd wedi dod i ymweld. Peidiwch ag anghofio dal a rhyddhau'r gwyfynod yn ddiweddarach!

Moth trapping for beginners