Mae COP yn sefyll am 'Conference of the Parties' a dyma gynadleddau'r Cenhedloedd Unedig ar ei wahanol gonfensiynau. Yn 2022, mae COPs yn digwydd ar yr hinsawdd (COP27) a natur (COP15). COP15 yw lle mae arweinwyr y byd yn dod ynghyd i adolygu gweithrediad y Confensiwn ar Amrywiaeth Fiolegol (neu CBD). Cytundeb byd-eang ar gadwraeth natur yw CBD. Trwy hyn, mae 196 o bleidiau yn anelu at gytuno ar 20 targed byd-eang a fydd yn atal colli bioamrywiaeth.

Mawndiroedd yw un o’n cynefinoedd pwysicaf ni, gan ddarparu cartrefi i fywyd gwyllt prin a chloi carbon, gan ein helpu ni i fynd i’r afael â newid hinsawdd. Ond yn y DU mae mwy nag 80% yn cael eu difrodi. Yn rhannol oherwydd ein defnydd ni o fawn fel compost a'i ddefnyddio i dyfu cynhyrchion fel planhigion tŷ a madarch. Mae Ymddiriedolaeth Natur Gogledd Cymru, ochr yn ochr â'r Ymddiriedolaethau Natur ledled y DU, yn ymgyrchu i gadw mawn mewn corsydd ac nid mewn bagiau.

Mae rhywogaethau ymledol wedi cael eu cydnabod fel un o’r ‘pum bygythiad mwyaf’ i fyd natur yn fyd-eang ac yma yng Nghymru. Cofrestrwch i dderbyn awgrymiadau a chyngor defnyddiol ar sut gallwch chi helpu!

Gwybodaeth lawn am fenter gyffrous Prosiect Siarc, y mae Ymddiriedolaeth Natur Gogledd Cymru yn bartner iddi. Cyfle i ddysgu am ein rhywogaethau lleol o siarcod a chymryd rhan mewn gwyddoniaeth y dinesydd ymarferol gyda'n tîm Moroedd Byw!