Mae amrywiaeth hynod y coed, y planhigion, yr adar a’r glöynnod byw yn llenwi’r warchodfa hon gyda lliw drwy gydol y flwyddyn - ac mae cyfle i fwynhau golygfeydd gwych o Fryniau Clwyd!

Darn hyfryd o goetir llydanddail yn creu coridor bywyd gwyllt, gan uno a gwrthgyferbynnu â’r planhigfeydd conwydd mawr yn y dyffryn anghysbell yma.

Noddfa wyllt yng nghanol môr o dir amaethyddol. Mae’r gors fawn yma’n gartref i gasgliad lliwgar o blanhigion ac anifeiliaid arbenigol.

Yn edrych dros Afon Menai ar un ochr a gyda golygfeydd o Eryri ar yr ochr arall, mae’r warchodfa yma’n werddon wyllt boblogaidd yng nghalon dinas Bangor.

Bydd adar rhydio’r arfordir ac adar y coetir yn aros amdanoch chi yn y darn hyfryd yma o goetir sy’n edrych dros Afon fyd-enwog Menai.

Cyfle i grwydro drwy flodau gwyllt wrth syllu allan am y môr neu draw am fynyddoedd Eryri.

Corslwyn ryfeddol a choetir yn llawn blodau gwyllt, cân adar a chyfleusterau sy’n rhoi cyfle i chi fynd yn nes at natur.

Cyfle arbennig i weld llwyddiant ecolegol ar waith. Wrth i chi grwydro drwy’r gwlybdir heddychlon yma, ceisiwch olrhain ei siwrnai o’r llyn i’r coetir.