Bydd gan ein Cyfarwyddwr Masnachol ...

• Cyfrifoldeb cyffredinol am reolaeth fasnachol, datblygu a gweithredu strategaethau twf refeniw a gwella presenoldeb marchnad a phroffidioldeb is-gwmni Ymddiriedolaeth Natur Gogledd Cymru, Enfys Ecology Ltd, yn gyffredinol. Bydd deiliad y swydd yn gyfarwyddwr gweithredol y cwmni ac yn aelod llawn o'i Fwrdd Cyfarwyddwyr.
• Cyfrifoldeb cyffredinol am berthnasoedd Ymddiriedolaeth Natur Gogledd Cymru â busnesau, gan ganolbwyntio ar eu potensial i gyfrannu incwm digyfyngiad i ategu ein strategaeth sefydliadol, Strategaeth 2030: Dod â Natur yn Ôl.

Bydd gan yr ymgeisydd delfrydol y canlynol …

• Cefndir mewn ymgynghoriaeth fasnachol a datblygu busnes, yn ddelfrydol o fewn y sectorau ecolegol a / neu reoli tir
• Dull o weithredu sy'n canolbwyntio ar fasnach ond sy'n cael ei sbarduno gan genhadaeth, wedi’i seilio ar brofiad o reoli perthnasoedd rhagorol, hirdymor gyda chleientiaid a rhanddeiliaid a datblygu rhai newydd
• Y gallu i siapio trawsnewidiadau a newid, addasu i a sbarduno datblygiad cynhyrchion a gwasanaethau newydd mewn marchnad sy'n esblygu ac yn gystadleuol iawn
• Bydd yn gwbl gyfforddus â'r angen i gyflawni targedau sy'n gysylltiedig â chynhyrchu incwm a chefnogi eraill i wneud yr un peth
• Rhinweddau arweinyddiaeth cyfranogol ac ymgysylltiol, gan gydbwyso risg â chyfle, ymgynghori, ymgysylltu â neu rymuso eraill i wneud y penderfyniad
• Bydd yn defnyddio sgiliau rhyngbersonol rhagorol a deallusrwydd emosiynol i feithrin perthnasoedd cadarnhaol, adeiladol a chefnogol gyda chydweithwyr, aelodau'r Bwrdd a chleientiaid fel ei gilydd
•  

Er mwyn llwyddo a bod yn hapus yn eich rôl, byddwch yn gwbl gyfforddus yn rheoli'r broses gyfrifyddu a chyllidebu a phrosesau rheoli arferol mewn busnes bach a chanolig a gwneud penderfyniadau strategol ar lefel y Bwrdd.

Mae hon yn rôl newydd a fydd yn esblygu o dan eich arweinyddiaeth - dylech fod yn gyffrous am yr hyblygrwydd a'r gofyniad i arloesi.

Rydym yn gwerthfawrogi angerdd, parch, ymddiriedaeth, integriti, ymgyrchu pragmatig a chryfder mewn amrywiaeth. Er ein bod yn angerddol wrth hyrwyddo ein hamcanion, nid ydym yn feirniadol ac rydym yn gynhwysol. Rydym yn annog ceisiadau yn arbennig gan bobl sydd heb gynrychiolaeth ddigonol yn ein sector, gan gynnwys pobl o gefndiroedd lleiafrifol a phobl ag anableddau. Rydym wedi ymrwymo i greu mudiad sydd wir yn cydnabod ac yn gwerthfawrogi gwahaniaethau a hunaniaethau unigol. Rydym yn cymryd ein cyfrifoldebau Diogelu o ddifrif. Cliciwch yma i ddarllen ein datganiad ymrwymiad. Efallai y bydd angen archwiliad gan y DBS ar gyfer y rôl hon.

Sut i wneud cais
Dilynwch y cyfarwyddiadau y tu ôl i'r ddolen 'gwneud cais yma'. Bydd angen i chi uwchlwytho CV a pharatoi datganiad ategol.