Ynglŷn â'r digwyddiad

Mae Gary wedi bod yn tynnu lluniau o weilch y pysgod yng Ngogledd Cymru ers nifer o flynyddoedd ac mae ganddo ffotograffau anhygoel o'r adar ysglyfaethus godidog yma. Dewch draw i glywed popeth am ei anturiaethau fel ffotograffydd bywyd gwyllt proffesiynol.

Meddai Gary: "Y gwalch y pysgod ydi fy hoff aderyn i yn sicr, o ddyddiau plentyndod yn darllen amdano mewn llyfrau, hyd at yr obsesiwn sydd gen i bellach gyda thynnu lluniau'r adar anhygoel yma…. Dyma fy siwrnai gweilch y pysgod i."

Mae’r sgwrs yn cael ei chynnal gan y staff a'r gwirfoddolwyr cyfeillgar ym Mhrosiect Gweilch y Pysgod y Brenig.