Ynglŷn â'r digwyddiad

Ydych chi wedi clywed am rywogaethau ymledol erioed? Dewch draw i'n harddangosfa ni, Tu Hwnt i'r Ffin: Dianc o Erddi, wrth iddo symud i'w leoliad terfynol ym Mhlas Glyn y Weddw i ddarganfod popeth amdanyn nhw!

Cyfle i archwilio rhywogaethau ymledol problemus, gan gynnwys eu perthynas â ffiniau ein gerddi a'r gwyllt, drwy hanes a chelf. Cewch weld y cerflun sydd wedi’i greu gan yr artist Manon Awst sydd wedi'i gomisiynu fel rhan o'r arddangosfa yma.

Cyflwynir yr arddangosfa mewn dwy iaith, Cymraeg a Saesneg.

Yn newydd ar gyfer y lleoliad yma mae profiad rhyngweithiol wedi'i ymgorffori yng ngwaith celf Manon, oriel wedi'i diweddaru o blanhigion i gadw llygad amdanyn nhw yn eich gardd, a ffilm fer wedi'i diweddaru.

Mae Theatr John Andrews wedi'i lleoli ar hyd y llwybr i'r chwith o'r brif neuadd ym Mhlas Glyn y Weddw. Mae'r arddangosfa wedi'i lleoli yn yr ystafell islaw'r amffitheatr awyr agored.

Mae'r arddangosfa hon yn rhan o'n prosiect Dihangwyr Gerddi yn Ymddiriedolaeth Natur Gogledd Cymru sy'n cael ei gyllido gan y Rhaglen Rhwydweithiau Natur. Mae'n cael ei chyflwyno gan y Gronfa Dreftadaeth, ar ran Llywodraeth Cymru.