Amdanom ni

Mae Ymddiriedolaeth Natur Gogledd Cymru’n un o’r 46 o Ymddiriedolaethau Natur sy’n gweithio ledled y DU. Gyda chefnogaeth amhrisiadwy ein gwirfoddolwyr a’n haelodau, rydyn ni’n rheoli 35 o warchodfeydd natur yng ngogledd Cymru. Hefyd rydyn ni’n gweithio â sefydliadau eraill a pherchnogion tir i warchod a chysylltu safleoedd bywyd gwyllt ledled y sir ac i ysbrydoli cymunedau lleol a phobl ifanc i ofalu am  fywyd gwyllt ble maent yn byw.

Ein cenhadaeth Ein Adroddiad Effaith Ein Adroddiad Blynyddol

Ffurfiwyd Ymddiriedolaeth Naturiaethwyr Gogledd Cymru ar Hydref 26ain 1963. Fwy na 60 mlynedd yn ddiweddarach, efallai bod ein henw ni wedi newid, ond mae’r cymhelliant wnaeth ysbrydoli ein sylfaenwyr ni’n parhau yr un fath. Dros y blynyddoedd, mae nifer y gwarchodfeydd yng ngofal yr Ymddiriedolaeth wedi cynyddu’n gyson, gan orchuddio mwy na 750 o hectarau erbyn hyn, diolch i roddion ar ffurf tir a phrynu safleoedd drwy godi arian. Rydyn ni’n cyflogi mwy na 50 o aelodau o staff yn awr ac yn rheoli cyllideb sy’n fwy nag £3M – cryn dipyn o newid ers y dyddiau cynnar.

Dim ond drwy gydweithredu rhwng ymddiriedolwyr, gwirfoddolwyr a staff mae ein gwaith cadwraeth bywyd gwyllt yn bosib. Rydyn ni’n cael ein cymell gan ein cred ar y cyd bod Gogledd Cymru sydd â chyfoeth o fywyd gwyllt sy’n cael ei werthfawrogi gan bawb yn llesol i fywyd gwyllt ac i bobl. 

Mwy o wybodaeth

Elusen yw Ymddiriedolaeth Natur Gogledd Cymru ac, o’r herwydd, rydyn ni’n dibynnu ar gefnogaeth tanysgrifiadau aelodaeth, rhoddion, grantiau, ewyllysiau a ffynonellau cyllido eraill er mwyn gwneud ein gwaith yn gofalu am fywyd gwyllt yng Ngogledd Cymru..

Ein cefnogi ni