Ynglŷn â'r digwyddiad

Mae'r daith gerdded yn cynnwys lonydd gyda choed bob ochr a llwybrau troed cyhoeddus, gan gynnwys rhan o Lwybr Arfordir Ynys Môn ar hyd Afon Menai. Byddwn yn galw heibio gwarchodfa goetir Coed Porth-aml.

Fe ddefnyddiwyd y warchodfa natur yma fel chwarel galchfaen o gyfnod y Brythoniaid hynafol hyd at yr ugeinfed ganrif. Er ei fod wedi'i leoli ger arfordir poblogaidd Ynys Môn, mae'r coetir yn teimlo'n dawel ac yn anghysbell, ac mae'n lle gwych i weld adar a glöynnod byw y coetir.

Cofiwch ddod â phicnic! Byddwn yn stopio am damaid i'w fwyta gyda golygfa dros Afon Menai, tuag Eryri a Phenrhyn Llŷn, wrth wylio'r adar a bywyd gwyllt arall.