Yr Wythnos Forol Genedlaethol

Helpwch ni i ddathlu mewn steil trwy lawrlwytho ein pecyn morol '60 Miri Morol', sy'n llawn dop o weithgareddau cyffrous sy'n addas i'r teulu cyfan! Mae gennym ddigon i'ch cadw'n brysur o'r lan neu o gartref, gan gynnwys taflenni defnyddiol ar gyfer canfod rhywogaethau a ffyrdd o gymryd rhan yn ein gwaith!

Ffansi bod yn archarwr y môr yn ystod yr Wythnos Forol Genedlaethol eleni? Os ydych chi'n awyddus i archwilio’r lan yn hela plisg siarc, neu os oes gennych chi ddiddordeb mewn bod yn wyliwr llamhidyddion brwd, mae gennym ni ddarpariaeth ar eich cyfer chi!

Planhigyn blodeuol sy'n byw o dan ein dyfroedd yw morwellt. Mae ganddo lawer o fanteision anhygoel, gan gynnwys helpu’r frwydr yn erbyn newid yn yr hinsawdd, cynnal miloedd o rywogaethau a diogelu ein harfordiroedd rhag erydiad.

Mae Ymddiriedolaeth Natur Gogledd Cymru yn bartner cyflenwi prosiect Morwellt Achub Cefnfor, sy’n anelu at adfer dolydd morwellt yng Ngogledd Cymru.

Ydych chi wedi clywed am bwrs y fôr-forwyn erioed? Plisg wyau siarcod a môr-gathod yw’r darganfyddiadau anhygoel hyn mewn gwirionedd.

Mae pob plisgyn ŵy yn dal un siarc bach sydd, unwaith y bydd yn deor, yn nofio i ffwrdd ... mae'r plisg wyau gwag yn cael eu golchi ar ein glannau ni, yn barod i ni eu casglu!

Archwiliwch ar hyd y parth rhynglanwol am bob math o greaduriaid cyffrous! Defnyddiwch y taflenni adnabod i dicio pa rywogaethau rydych chi wedi'u canfod yn byw yn eich pyllau creigiog lleol.

Ydych chi wedi sylwi ar dentaclau coch tywyll yr anemoni gleiniog? Neu grafangau glas y cranc nofio melfed?

Cofiwch ei bod yn bwysig iawn cadw at y cod pyllau creigiog tra rydych chi ar y traeth, a gwnewch yn siŵr nad oes unrhyw anifeiliaid yn cael eu symud na'u hanafu.