Darn hyfryd o goetir llydanddail yn creu coridor bywyd gwyllt, gan uno a gwrthgyferbynnu â’r planhigfeydd conwydd mawr yn y dyffryn anghysbell yma.

Corslwyn ryfeddol a choetir yn llawn blodau gwyllt, cân adar a chyfleusterau sy’n rhoi cyfle i chi fynd yn nes at natur.

Noddfa wyllt yng nghanol môr o dir amaethyddol. Mae’r gors fawn yma’n gartref i gasgliad lliwgar o blanhigion ac anifeiliaid arbenigol.

Mae’r cyfuniad o goetir, blodau gwyllt a glöynnod byw yn golygu bod y warchodfa yma â’i sylfaen o galchfaen yn fwrlwm o fywyd – sy’n cynnig gwledd yn ystod yr haf!

Wedi’u hamgylchynu gan amaethyddiaeth a thai trefol, mae’r caeau hyn sy’n llawn blodau gwyllt a’r gwrychoedd aeddfed yn creu hafan i fywyd gwyllt.

Yn gyforiog o flodau gwyllt yn ystod y gwanwyn a’r haf, ac yn cynnig golygfeydd gaeafol hyfryd o’r arfordir, mae’r ddôl wair draddodiadol yma’n cynnig cipolwg ar orffennol ein cefn gwlad ni.

Hafan ragorol i fywyd gwyllt gyda phoblogaeth drawiadol o adar môr yn rhan greiddiol ohoni. Mae ymweliad â Chemlyn yn llawn posibiliadau!

Dyma un o warchodfeydd natur cyntaf Ymddiriedolaeth Natur Gogledd Cymru, a brynwyd yn 1964. Mae’n gartref i rywogaethau prin iawn ac yn gyforiog o fywyd gwyllt.

Trysor cudd sy’n teimlo fel camu’n ôl mewn amser i goedydd gwyllt hynafol Cymru.

This peaceful pocket of woodland has been reclaimed by nature after hundreds of years of quarrying. Only parts of the reserve are open to the public.