Cyngor Gwyrdd
Manteision i chi, manteision i fywyd gwyllt – nid yw gwneud eich gofod yn wyrdd yn anodd!
Dychmygwch don Fecsicanaidd - os bydd un person yn ei gwneud ar ei ben ei hun – fawr o effaith – ond os yw pawb yn Stadiwm y Mileniwm yn ei gwneud – cryn effaith! Mae’r un peth yn wir am weithredoedd gwyrdd – pe bai pawb yn gwned dim ond un peth, byddai’r llu o weithredoedd bychain yn cael effaith fuddiol ANFERTH i ni ac i fywyd gwyllt.Arbed arian, gweld mwy o fywyd gwyllt – cewch weld beth all gweithredu’n wyrdd ei wneud i chi
cliciwch isod i ganfod mwy
Syniadau ar gyfer arbed arian
Gallwch arbed 10% oddi ar eich bil trydan drwy droi’r thermostat i lawr ddim ond 1 gradd. Mae hynny’n rhyw £100 ar gyfartaledd ar fil tanwydd yng Nghymru!!
Helpwch i arbed y swm anhygoel o ryw £6 miliwn o bunnoedd a wastreffir yng Nghymru bob blwyddyn drwy ddiffodd eich teledu a phob offer trydan arall pan nad ydych yn eu defnyddio.
Mae troi eich cyfarpar i ffwrdd yn arbed arian i chi a phe baem i gyd yn gwneud hyn byddai’n atal chwarter miliwn tunnell o garbon monocsid rhag mynd i’r amgylchedd. Mae hynny’n cyfateb i’r CO2 a gynhyrchir yn flynyddol gan 20,000 o bobl.
Gallwch arbed hyd at £100 am bob bwlb golau drwy newid eich bylbiau am rai egni isel.
Yn ystod eu hoes, gallent arbed £100 i chi. Nawr meddyliwch am faint o fylbiau allech chi eu newid yn eich tŷ a meddyliwch am faint fyddech yn ei arbed ...
Mae £250 o’ch arian yn diflannu allan o’ch ffenestri a’ch drysau os nad ydynt wedi’u selio’n dda! Mae’n dasg syml sy’n talu ar ei chanfed.
Mae’r gweithredoedd hyn i gyd nid yn unig o fudd i’ch pocedi ond hefyd fe allent fod o gymorth i’n bywyd gwyllt, sydd dan fygythiad cynyddol oherwydd y newid mewn hinsawdd a achosir gan y CO2 a ryddheir gennym. Eisiau gwneud rhagor? Am wybodaeth bellach, www.est.org.uk
Mae’r gweithredoedd hyn i gyd nid yn unig o fudd i’ch pocedi ond hefyd fe allent fod o gymorth i’n bywyd gwyllt, sydd dan fygythiad cynyddol oherwydd y newid mewn hinsawdd a achosir gan y CO2 a ryddheir gennym. Eisiau gwneud rhagor? Am wybodaeth bellach, www.est.org.uk
Arbed arian a dŵr
Gallwch arbed £40 y flwyddyn drwy drwsio’r tap sy’n diferu.
Dim ond 30c yw cost wasier – mae’r gwahaniaeth yn fawr!Rydych yn taflu £250 i lawr y toiled bob blwyddyn os yw eich sistern yn un hen!
Os yw eich sistern gennych ers cyn 2001, fe allai fod yn defnyddio hyd at 13 litr o ddŵr i olchi eich toiled. Er mwyn lleihau hyn, llenwch botel litr o ddŵr gyda thywod, tynhewch y corcyn ac yna rhowch y botel yn y sistern. Bydd hyn yn arbed hyd at £40 y flwyddyn i chi a gellir gwneud mwy fyth o arbedion drwy osod sistern fflysh deuol sydd ond yn defnyddio 4 litr o ddŵr ar fflysh isel.Cawod a Rhannu i arbed dŵr!
Mae cawod am 5 munud yn defnyddio traeon o’r dŵr sydd ei angen ar gyfer bath a beth am rannu cawod?!Mwy na chwistrell bach…Dychmygwch faint o ddŵr mae teulu o bedwar yn ei ddefnyddio mewn 24 awr.
Mae chwistrellydd yn yr ardd yn defnyddio cymaint â hynny mewn awr!Dŵr am ddim. Beth am gael cawg dŵr a chasglu dŵr glaw am ddim ar gyfer yr ardd. Hefyd, gallwch ddefnyddio eich dŵr golchi llestri i ddyfrio planhigion ar rota o amgylch yr ardd.
Byddwch yn arbed amser ac yn gwneud eich planhigion yn fwy gwydn.
O’u bwydo a’u dyfrio’n aml, mae planhigion yn mynd yn ddiog ac yn ddibynnol arnoch chi ac mae eu gwreiddiau’n aros yn agos at yr wyneb yn barod am eu diod bach nesaf. O’u gadael i ymdopi ar eu pen eu hunain, byddant yn gyrru gwreiddiau i lawr i chwilio am y dŵr sydd yn y ddaear ac yn dod yn fwy hunangynhaliol, ac angen llai o’ch amser chi.
Mae’r gweithredoedd hyn i gyd nid yn unig o fudd i’ch poced ond hefyd i’n bywyd gwyllt, sydd dan fygythiad cynyddol oherwydd ein galw cynyddol am ffynonellau dŵr.
Eisiau gwneud rhagor? Am wybodaeth bellach, ewch i www.wildaboutgardens.co.uk
Gwneud eich gofod yn wyrdd
Boed yn ardd, yn iard neu’n flwch ar y ffenest, gallwch helpu bywyd gwyllt a mwynhau dod yn agosach ato.
Beth am wahodd adar a gwenyn i’ch gardd am liw am ddim ac i reoli plâu
Mae adar yn ychwanegu dimensiwn arall at ein gerddi – lliw, symudiad a cherddoriaeth, yn ogystal â helpu i reoli plâu fel y pryf gwyrdd a’r lindys. Gosodwch flwch nythu a bwrdd adar yn yr ardd a gwyliwch yr adar yn ychwanegu ati, gan wybod eich bod yn helpu i geisio gwneud iawn am y dirywiad o 20% yn y boblogaeth o adar gardd yn ystod y 5 mlynedd diwethaf. .Beth am godi bar yn eich gardd – hynny ydi - bar neithdar.
Rydym yn dibynnu ar wenyn am beillio blodau ar gyfer traean o’n bwyd ac mae eu niferoedd yn gostwng. Helpwch hwy drwy blannu border o neithdar i roi lle iddynt ail-lenwi â thanwydd yn ystod eu gwaith pwysig o beillio ein hafalau, ein mefus, ein gellyg, ein heirin, ein pys, ein ffa, ein mafon ... Ewch iwww.wildaboutgardens.org am ragor o syniadau.Bwyd planhigion a sylwedd i wella eich pridd am ddim. Dechreuwch gompostio ac fe gewch bridd rhagorol am ddim tra hefyd yn lleihau’r gwastraff sy’n mynd i’ch safle claddu sbwriel.
Mae compostio’n hawdd – gellir rhoi unrhyw grwyn a chardfwrdd gyda’i gilydd mewn pentwr er mwyn darparu sylwedd i wella eich pridd, neu defnyddiwch fin brown y Cyngor.Gadewch i fywyd gwyllt wneud y gwaith drosoch chi!
Gwella eich pridd, bwydo eich planhigion, bwyta plâu – bydd y bywyd gwyllt yn eich gardd yn gwneud hyn i gyd drosoch chi. Y cyfan sydd raid i chi ei wneud yw lleihau eich defnydd o gemegau a gadael iddynt hwy wneud gwyrthiau yn eich gardd.Gall eich gardd helpu i warchod rhai o’r cynefinoedd sy’n diflannu gennym.
Dim ond drwy ddefnyddio’r compost rhagorol heb fawn ynddo sydd ar gael i chi yn awr, byddwch yn gwarchod y mawndiroedd pwysig a’u bywyd gwyllt ar gyfer cenedlaethau’r dyfodol. Mae pyllau’n diflannu o’n cefn gwlad felly beth am gael un yn eich gardd ac ychwanegu nodwedd hardd sydd o fudd mawr i fywyd gwyllt hefyd.Mae’r gweithredoedd hyn i gyd nid yn unig yn ychwanegu pleser at eich gardd ond hefyd o fudd i’n bywyd gwyllt Eisiau gwneud rhagor? Am wybodaeth bellach, ewch i: www.wildaboutgardens.co.uk
Ariannwyd y
prosiect hyn gan
